Sekretari amerikan i Shtetit, Mike Pompeo bëri sot thirrje që t’i jepet fund përplasjes mes bllokut të drejtuar nga Arabia Saudite dhe Katarit, përcjell atsh. “Nuk është në interesin më të mirë të rajonit, nuk është në interesin më të mirë të botës”, deklaroi kryediplomati amerikan në Kuvajt, ndalesa e parë e një turi që do e çojë në tre kombe të Lindjes së Mesme.

“Ne të gjithë kemi të njëjtat këcënime, këcënimet nga Al Kaeda dhe ISIS-i, si dhe nga Republika Islamike e Iranit”, tha ai në një konferencë për shtyp në krahë të ministrit të Jashtëm të Kuvajtit, Sabah Al Khaled.

Në qershor 2017, Arabia Saudite, Emiratet e Bashkuara Arabe, Bahreini dhe Egjipti thyen lidhjet diplomatike dhe të transportit me Katarin, duke e akuzaur se po sponsorizon terrorizmin, një akuzë që Doha e ka mohuar.

BalkanWeb

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb