Në “Premier League” pak ditë më parë u mor vendimi për shkutimin e kohës së merkaton së verës dhe kjo duket se ka sjellë edhe reflektimin e federatave të tjera me rëndësi në Europë.
Sot, ankesa për afatin kalimtar të verës ka patur edhe nga drejtuesit e skuadrave më të mëdha në kampionatin italian.
“Merkato siç është për një periudhë kaq të gjatë i vë në vështirësi futbollistët. Unë them se ajo duhet të përfundojë një javë para nisjes së sezonit”- ka deklaruar drejtori sportiv i AC Milan, Massimiliano Mirabelli, për “Mediaset Premium”.
Në krah të tij ka dalë edhe drejtuesi i Interit. “Jam dakord që merkatoja të mbyllet të paktën disa ditë para nisjes së sezonit futbollistik”, është shprehur drejtori sportiv i Interit, Piero Ausilio.
Sipas tij të gjitha federatat duhet të kenë një mendim të unifikuar për rregullat e merkatos, pasi është një problem qe u përket të gjithëve.
(e.k/BalkanWeb)