SHKODËR

Një film dokumentar për klerikun e shquar shkodran Hafiz Ali Kraja, “Kryet nalt” u shfaq mbrëmë premierë në kinemanë e qytetit të Shkodrës, në praninë e qindra pjesëmarrësve. Ky dokumentar, i realizuar nga gazetarja Luljeta Progni me Fondacionin Kujto.al, tregon kalvarin e gjatë të persekutimit të një prej klerikëve shqiptarë më të ditur, diplomuar në tre universitete dhe zotërues i gjashtë gjuhëve të huaja. Kalvari i gjatë i persekutimeve që nga internimi prej fashistëve italianë, përndjekja ndaj tij dhe familjes prej komunistëve dhe vuajtjet për 18 vjet në kampet e punës e burgun e Burrelit, ishin pjesë e dokumentarit. ( Për të parë dokumentarin: https://youtu.be/rjOI5DnfKGk)

Whatsapp Image 2019 06 11 At 10.09.19

Themeluesi i Fondacioni Kujto, Agron Shehaj, u shpreh se fatkeqësisht një pjesë e madhe e shoqërisë kërkon të mos shohë, ose më keq, të mohojë krimet e  komunizmit. “Në fakt, mohuesi kryesor i krimeve të komunizmit është pikërisht shteti, dhe për të kuptuar këtë, mjafton të shohësh librat shkollorë që nuk kanë asnjë fjali për krimet e komunizmit. Në këto kushte i takon shoqërisë civile, njerëzve të thjeshtë të bëjnë sa më shumë që viktimat e regjimit komunist mos të harrohen, dhe fondacioni kujto dhe cikli i dokumentarëve ka pikërisht këtë qëllim”, tha Shehaj.

Kreu i Komunitetit Mysliman të Shqipërisë, H. Bujar Spahiu vlerësoi dokumentarin duke shprehu falënderime për kontributin e fondacionit Kujto, dhe u ndal në trashëgiminë shpirtërore dhe intelektuale të Hafiz Ali Krajës. Kryetarja e Bashkisë së Shkodrës, Voltana Ademi tha se Hafuz Ali Kraja është pjesë e trashëgimisë së madhe të Shkodrës dhe ende sot mes banorëve të saj kujtohet kleriku i ditur.

Whatsapp Image 2019 06 11 At 10.09.41

“Kryet nalt” është i 6-ti dokumentar që vjen i prodhuar nga Fondacioni Kujto.al, i themeluar nga Agron Shehaj. Ky cikël dokumentarësh, së bashku me punën kërkimore të evidentimit të krimeve dhe viktimave të komunizmit të publikuara në internet, synojnë rritjen e kulturës së kujtesës në shoqërinë shqiptare, për të dënuar krimet e komunizmit.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb