“Ajo që fillimisht ishte një akt terrorist nga fanatikët kundër civilëve të pafajshëm izraelitë është kthyer në një dënim kolektiv për të gjithë popullin palestinez”, tha presidenti brazilian Luiz Inacio Lula da Silva.

“E drejta për t’u mbrojtur është bërë e drejta për hakmarrje,” shtoi ai, duke vënë në dukje se ai ishte gjithashtu i shqetësuar për përshkallëzimin në Liban.

Ai përmendi numrin në rritje të njerëzve të zhvendosur në mbarë botën, duke iu referuar gjithashtu luftërave në Jemen dhe Sudan, si dhe në Ukrainë.

“Krijimi i kushteve për vazhdimin e dialogut të drejtpërdrejtë ndërmjet palëve në konflikt është vendimtar në këtë moment”, tha ai.