Presidenti kinez Xi Jinping pritet të nisë një turne në rajonin e Azisë Juglindore muajin e ardhshëm, ndërkohë që Pekini përshpejton përpjekjet e tij për të thelluar lidhjet fqinjësore mes shqetësimeve rajonale për politikën e jashtme të SHBA gjatë administratës së dytë të Donald Trump.
Burimet diplomatike thanë se Xi ka të ngjarë të niset në mes të prillit, me ndalesa në Vietnam, Malajzi dhe Kamboxhia. Një burim, i cili foli në kushte anonimiteti, tha se po bëheshin plane që udhëheqësi kinez të kalonte tre ditë në Malajzi.
Një burim tjetër, tha se vizita në Malajzi do të bazohej në takimin produktiv të Xi pati në nëntor në Pekin me kryeministrin Anwar Ibrahim. Udhëtimi do të jetë “padyshim i mirë” për rritjen e lidhjeve dypalëshe.
Turneu në Azinë Juglindore do të shënojë vizitat e para jashtë vendit të Xi-t për këtë vit dhe vjen në një kohë kur Kina po nxit lidhje më të forta me vendet fqinje për ta paraqitur veten si një partner rajonal i besueshëm dhe i përgjegjshëm.
Ai gjithashtu përkon me shqetësimet e shtuara për angazhimin e Uashingtonit ndaj rajonit, veçanërisht pasi Trump është shfaqur duke vënë në pikëpyetje vlerën e aleancave dhe partneriteteve të tij historike.
Kina ka lidhje të forta dhe të vendosura tregtare me rajonin, por gjithashtu ka një sërë mosmarrëveshjesh të gjata territoriale me disa vende në lidhje me pretendimet e mbivendosura në Detin e Kinës Jugore.
(BalkanWeb)
