Presidenti i Republikës Ilir Meta është takuar në Poloni edhe me aktorin e madh të filmave aksion Arnold Schwarzenegger.


Kreu i Shtetit shpreh kënaqësinë për takimin dhe thotë se Schwarzenegger është mjaft i angazhuar për parandalimin e ngrohjes globale. Por Meta thotë më tej se së afërmi aktori amerikan mund të jetë dhe në Shqipëri.


“Kënaqësi të takoja në Katovicë, Arnold Schwarzenegger, mjaft i angazhuar për të ndërgjegjësuar njerëzimin për bashkimin e përpjekjeve për parandalimin e ngrohjes globale para se të jetë vonë. I bindur se së afërmi do ta kemi në Shqipëri”, shkruan Presidenti i Republikës.


Kreu i Shtetit po merr pjesë në Samitin e Klimës “COP24” të Organizatës së Kombeve të Bashkuara, që po zhvillohet në Katovicë të Polonisë.

(m.k/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb