BRITANIE E MADHE

Princ Harry dhe Meghan Markle e kanë vendosur që nuk do të bëjnë më shumë se dy fëmijë. Gjatë një interviste për “British Vogue” (e edituar nga vetë Meghan), Harry foli për mbrojtjen e mjedisit për gjeneratat në të ardhmen dhe kështu ai shtoi se duan të kenë dy fëmijë jo më shumë.

“Mendoj se falë njerëzve që takova dhe vendeve që pata fatin të vizitoja e kam dashur gjithmonë natyrën dhe gjithmonë kam dashur ta ruaj atë, madje para se të kisha një fëmijë ose të shpresoja të kisha. Maksimumi dy fëmijë jo më shumë”- tha princ Harry. Gjithashtu ai shtoi më tej se planetin e shikon si një pellg në të cilën ne jemi bretkosat dhe uji tashmë po avullon.

“ Ne e kemi huazuar planetin tonë nga qenie inteligjente dhe të evoluuara që supozojmë se jemi. Gjithashtu duhet të jemi në gjendje të lëmë diçka më të mirë për brezat e ardhshëm”- vijoi më tek princ Harry.

Momentalisht duka dhe dukesha po shijojnë momentet si prindër të rinj me vogëlushin e tyre Archie dhe është ende herët për të folur për një fëmijë të dytë, kështu që mbetet një plan i së ardhmes. Archie ka ndryshuar rrënjësisht jetën e Harry-t dhe Meghan dhe tani duket se janë më të lumtur se kurrë me ‘detyrën’ e re si prind.

(BalkanWeb)