“Proces politik që nisi me denoncimet për inceneratorët”. Kështu e ka cilësuar Monika Kryemadhi procesin hetimor nga Prokuroria e Posaçme, që çoi në arrestimin e presidentit të Partisë së Lirisë, Ilir Meta dhe masën e sigurisë ndaj asaj me “Detyrim paraqitjeje”.

Kryemadhi u shpreh se si pasojë e procesit hetimor janë “rrëmbyer” dhe intimiduar persona pranë saj, duke u kërkuar të bëjnë edhe dëshmi të rreme.

“Dje mora materialin për vendimin e masës së sigurisë për mua, duhej ta lexoja, nuk isha shumë e qetë mendërisht dhe shpirtërisht ta lexoja me detaje. Në thirrjen në SPK jam pyetur për kallëzimin penal ndaj Veliajt.

I kam dërguar prokurorit të çështjes mbi 5 mijë faqe prova të vërtetuara, të miat, masë dhe familjarëve të mi.

Unë kisha rreth 5 mijë faqe, mamaja rreth 3 mijë.

Nuk kishte përfshirje të tyre në kërkesën e prokurorisë për gjykatën. Që në nisje ishte një proces politik që nisi nga denoncimi im për inceneratorët.

Indinjata ime dje erdhi pas deklaratës së SPAK pasi mendoja se qoftë edhe për shkak të këtij ambienti mosbesues do të ishin korrekt në marrëdhënien e çështjes sonë.

U thirrën për orë të tëra, janë rrëmbyer nëpër aeroporte miq të mi, të huaj e shqiptarë, u kanë kërkuar të bëjnë dëshmi të rreme dhe janë intimiduar, por nuk kemi folur sepse kemi besuar tek reforma për të cilën aleatët tonë kanë paguar.

Deklarata dje ka shkelur nenin për dekretin hetimor”, tha ajo.

(BalkanWeb)