Raundi tjetër i negociatave midis Iranit dhe Shteteve të Bashkuara do të mbahet të shtunën në Romë, thanë burimet diplomatike.

Lajmi u konfirmua nga Ministri i Jashtëm holandez Kaspar Feldkamp  gjatë një samiti të Bashkimit Evropian .

Irani dhe Shtetet e Bashkuara, të cilat nuk kanë pasur marrëdhënie diplomatike që nga viti 1980, zhvilluan bisedime të shtunën e kaluar me ndërmjetësimin e Sulltanatit të Omanit për çështjen e programit bërthamor të Teheranit. Vendet perëndimore, të udhëhequra nga SHBA, dyshojnë se Irani po kërkon të marrë një armë bërthamore.

Teherani i hedh poshtë akuzat dhe pohon se programi i tij bërthamor nuk ka qëllime ushtarake.

Përpara raundit të ri të bisedimeve në Romë, ministri i Jashtëm iranian Abbas Araghchi do të vizitojë Moskën për të diskutuar çështjen e negociatave me SHBA-në, sipas një deklarate nga Teherani.

(BalkanWeb)