Bellingham kontribuoi për Real Madrid në Champions, teksa shënoi një gol ndaj Atalantës. Mesfushori i njohur anglez po luan sezonin e dytë në Madrid dhe shifrat tregojnë se paraqitjet e tij kanë qenë mjaft të mira. Në një intervistë të dhënë së fundmi, Bellingham u shpreh se grupi duhet të jetë i bashkuar dhe të vazhdojë të luftojë fort për të arritur objektivat sezonal.

“Është një ndjenjë lehtësimi të rikthehesh në Madrid me fitore nga ajo transfertë e vështirë. Ishte vërtet e rëndësishme për ne që të merrnim tre pikë ndaj Atalanta, për shumë arsye.

“Është e rëndësishme që shënuam të gjithë, unë, Mbappe e Vini. Por më shumë rëndësi ka që fituam, pasi barazimi nuk do të vlente për asgjë. Në pjesën e dytë u mbrojtëm mirë dhe u shpërblyem me fitore.

Më tej, ai tha: “Tani të ulim kokën e të vazhdojmë të punojmë, pasi kjo fitore na jep besim, motivim dhe dëshirë për të bërë edhe më mirë. Jemi ende herët për të folur për objektiva të humbur apo fituar, ato dihen se cilat janë”- tha ai.

(J.S/BalkanWeb)