Alfred Lela, Drejtor i zyrës së komunikimit në PD, theksoi në emisionin “Open” në News24 se ishte një protestë e mirë, pavarësisht temperaturava të larta.

“Ishte një pjesëmarrje e mirë, tregoi se në Shqipëri ka një nerv opozicioni. Ishte një protestë e ngjashme me atë të 7 korrikut të vitit të kaluar. Opozita me mesazhin e saj e bëri të qartë se objektivi është qeveri teknike për zgjedhjet e ardhshme dhe lirimi i liderit të opozitës, Sali Berisha”, tha Lela.

Ai u shpreh se SPAK është në lojën dhe pozicionin e tij të vetëm në raport me Sali Berishën, ndërsa opozita është në të drejtën e saj.

“SPAK nuk ka pse të trembë opozitën, pasi ju e mbani mend atë Irenën me disa mbiemra, e cila shkoi deri aty sa gjeti një enveriste për të mbrojtur Sali Berishën. Kjo protestë është etapa e hapjes dhe jo e përmbylljes”, tha Lela.