TIRANE- Pak pas mbylljes së protestës së opozitës, ish-kryeministri Sali Berisha ka bërë ‘bilancet’, ndërsa nuk ka nguruar që të zgjedhë edhe foton e vitit.
Ai ka shkëputur mes qindra imazheve të kapura sot në Bulevardin ‘Dëshmorët e Kombit’ përballë Kryeministrisë, një foto, ku shfaqet një simpatizant i PD-së, që ka ‘gdhendur’ në kokë me bojë blu inicialet e Partisë Demokratike. “Fantastike, foto e vitit!! sb”, shkruan Berisha në profilin e tij në ‘Facebook’.
Konkretisht bëhet fjalë për një personazh të quajtur në media ‘Ujku i Cërrikut’
Kujtojmë se “Ujku i Cërrikut” u bë i famshëm gjatë daljeve të tij në emisionin “Zonë e Lirë” të gazetarit, Arjan Çani, ku sulmonte personazhe të tjera karizmatikë si Lekë Plepi.
(ed.me/BalkanWeb)