GJERMANI
Protesta e studentëve ka marrë jo vetëm vëmendjen e mediave shqiptare e rajonale, por së fundmi në edicionin qendror të lajmeve televizioni gjerman “ZDF” ka transmetuar kërkesat e studentëve dhe mendimet e disa analistëve nga Shqipëria.
Në kronikën e gjatë të televizionit “ZDF” është trajtuar thellësisht kauza e studentëve, shqetësimet e tyre, si dhe kushtet e vështira në të cilët jetojnë.
Grupi i xhirimit të televizionit “ZDF” është shoqëruar në ambientet e konvikteve nga studenti, Igli Tola, ndërsa prej aty gjigandi mediatik gjerman ka transmetuar pamjet. Studentët sot janë rikthyer sërish në shesh pas pushimeve të fund vitit duke kërkuar plotësimin e 9 kërkesave nga qeveria.
(n.m/BalkanWeb)