Një banor i Fushë Krujës, në protestën e banorëve për hyrje-dalje në autostradën Thumanë-Kashar, ka lëshuar kritika të forta ndaj zv kryeministres dhe ministres së Infrastrukturës, Belinda Balluku.

Banori tha se ndërsa protestuesit u dogjën në diell dhe u rrahën nga policia, Balluku shijoi pushimet. Ai shtoi se përfaqësia e banorëve do të takojë kryetarin e Bashkisë së Krujës, Artur Bushin dhe shpreson që problemi të zgjidhet.

Banori: Belinda Balluku është kthyer nga pushimet, kur ne jemi rrah nga policia. Pas dy muajsh vjen Belinda, dërgon përfaqësues politik që thotë do ju takojë. Të hënën përfaqësia jonë në takimin me përfaqësuesin politik të kërkojë hyrje-dalje. Ne nuk kemi dalë për gjë tjetër, duam hyrje-dalje. Protestat ndalet kur të shohim mjetet këtu në rrugë.

(Balkanweb)