Studentët dhe qytetarët protestues në Beograd për të tretën ditë bllokojnë ndërtesat e Radio Televizionit të Serbisë (RTS) në rrugën Takovska dhe Košutnjak. Siç raportojnë studentët në rrjetet sociale, policia ka arritur të futë punonjësit në godinën e shërbimit publik mëngjesin e sotëm, por ka ndodhur një përleshje me studentët.
Studentët shkruajnë se nuk kanë qenë të mjaftueshëm për të kundërshtuar më seriozisht policinë, ndaj kanë ftuar të gjithë ata që kanë mundësi të vijnë në objektin e RTS-së në Takovska.
Policia arriti të futë disa nga punonjësit në godinën e RTS. Të mbledhurit thërrasin “Policia Popullore” dhe mbajnë duart lart si shenjë se duan një protestë paqësore.
RTS: Bllokadat janë të paligjshme
Studentët nga universitetet e Beogradit dhe Novi Sadit organizuan bllokada të Radio Televizionit të Serbisë dhe Radio Televizionit Vojvodina të hënën në mbrëmje, të pakënaqur me raportimin e dy transmetuesve publikë për protestat e studentëve dhe krizën socio-politike në vend, ndërsa në të njëjtën kohë paralajmëruan protesta “deri në një njoftim tjetër”.
Drejtuesit e RTS-së kanë vlerësuar në një deklaratë të djeshme mbrëma se studentët po “bllokojnë ilegalisht” shërbimin publik.
“Bllokimi i objekteve dhe pengimi i punonjësve të shërbimit publik që të bëjnë punën për të cilën janë ligjërisht përgjegjës, paraqet presion të papranueshëm ndaj mediave në të cilat qytetarët kanë treguar besimin më të madh prej vitesh”, njofton RTS.
Drejtori i RTV-së, Goran Karaxhiq, përdori një fjalor tjetër, duke vlerësuar se studentët përmes bllokadës kanë “rrëmbyer” punonjësit e kësaj kompanie mediatike, ndërsa veprimin e tyre e quajti “terrorizëm”. Derisa protesta dhe bllokada në Beograd vazhdojnë dhe vazhdojnë pa incidente, RTS vazhdon të transmetojë programin e saj pa ndërprerje.
Studentët u nisën me biçikletë drejt Strasburgut
Lëvizja studentore doli nga vala e protestave të shkaktuara nga vdekja e 16 personave në një tendë të shembur në stacionin hekurudhor të Novi Sadit më 1 nëntor të vitit të kaluar, dhe ata po kërkojnë përgjegjësi penale dhe politike nga autoritetet për tragjedinë dhe kërkojnë luftë kundër korrupsionit dhe veprim të paanshëm të institucioneve pa presion dhe ndikim politik.
Policija sprovodi zaposlene RTS sa Palilulske pijace do ulaza “Ćevabdžinica”. Jadna je vlast koja je to naredila. Jadna.
Qeveria i quan protestat e studentëve, të cilat kanë marrë mbështetje të gjerë nga grupe të shumta sociale, një “revolucion me ngjyra”. Gjithashtu u zhvillua edhe një çiklizëm studentor “Tour to Strasburg”, qëllimi i të cilit ishte informimi i liderëve të Bashkimit Europian për situatën në vendin, i cili prej disa muajsh po përballet me një krizë sociale dhe politike.
(BalkanWeb)
