Kryetari i Këshillit Kombëtar të PD, Edi Paloka tregoi në “Kjo Javë” me Nisida Tufën në News24 arsyen pse Sali Berisha nuk duhet të tërhiqet nga drejtimi i opozitës në prag të zgjedhjeve parlamentare.

Paloka tha se Berisha është “lojtari” më i mirë i PD dhe opozitës. Sipas tij, ish-kryeministri arriti të marrë vitin e kaluar 600 mijë vota pa logon e PD dhe pa komisionerë. Sipas tij, teza që Berisha duhet të tërhiqet është e nxitur nga kryeministri Edi Rama.

Edi Paloka: Nuk mund të bëjë opozita asnjë lëvizje të detyruar nga kundërshtari. Zoti Berisha ishte larguar nga drejtimi politik, e detyroi kundërshtari të rikthehej. Sot po del skema, ata që e shpallën non grata dhe këta që e mbajnë në arrest janë të njëjtët. Do të bënte gabimin më të madh politik nëse do të bënte një lëvizje të detyruar nga kundërshtari i tij, do të ishte fatalitet. Kurrë nuk do të vinte PD në pushtet nëse do ta bënte këtë lëvizje të detyruar nga Rama. Së dyti, Sali Berisha është njeriu që pa parti, pa simbole, pa sigël, pa komisionerë, mori 600 mijë vota në zgjedhjet e fundit. Si mund t’i them unë lojtarit më të mirë që kam në ekip, ik ti se kështu ekipi kundërshtar që ata të tregohen më tolerancë dhe të na falin ndonjë gjë… Do të ishte fatalitet. Nesër kur të vijë puna që PD të fitojë zgjedhjet, Sali Berisha ka thënë të vendosin demokratët se kush duan të jetë kryeministër. Ta bëjmë sot të detyruar nga kundërshtari, që është Edi Rama…

(BalkanWeb)