Pashkët janë data më e rëndësishme në kalendarin e krishterë, që shënojnë kryqëzimin dhe ringjalljen e Jezusit. Në vitin 2025, bie të dielën, më 20 prill.

Vezët dhe lepurushi janë simbolika kryesore e Pashkëve, por pse?

Vezët kanë simbolizuar jetën e re dhe rilindjen për shekuj, shumë kohë përpara se të festoheshin Pashkët. Në mesjetë, vezët ishin të ndaluara gjatë Kreshmës, kështu që ngrënia e tyre në Pashkë ishte një kënaqësi. Njerëzit dhanë vezë si dhurata, madje edhe mbreti Eduard I shpërndau qindra vezë në vitin 1290.

Shumë besonin se vezët kishin fuqi magjike – si për të sjellë fat të mirë, pjellori, apo edhe shndërrim në diamante nëse mbaheshin mjaftueshëm!

Por si filloi lepurushi i Pashkëve të shpërndante vezë?

Mund të duket e çuditshme që një lepur – një gjitar që nuk bën vezë – është simboli i Pashkëve. Por tradita ka nsisur në Gjermaninë parakristiane, ku lepujt simbolizonin pranverën dhe pjellorinë, falë mbarështimit të tyre të shpejtë. Perëndesha pagane Eostra ishte e lidhur me pranverën dhe lepujt.

Në shekullin e 17-të, këto simbole pagane ishin përzier me Pashkën e krishterë, e cila feston ringjalljen dhe rilindjen. Vezët gjithashtu simbolizonin pjellorinë dhe jetën e re, kështu që kombinimi i tyre me lepurin kishte kuptim.

“Oschter Haws” (Lepuri i Pashkëve) u shfaq për herë të parë në folklorin gjerman, duke hedhur vezë shumëngjyrëshe për fëmijët e sjellshëm. Emigrantët gjermanë më vonë e sollën këtë traditë në SHBA në shekullin e 18-të. Me kalimin e kohës, ajo u rrit duke përfshirë çokollatën dhe lodrat.

Pra, lepurushi dhe vezët e Pashkëve filluan si simbole të lashta të jetës dhe rilindjes, duke u bashkuar përfundimisht me festimet e Pashkëve të krishtera për t’u bërë tradita e dashur që njohim sot.