DURRËS- Një 55-vjeçar ka humbur jetën ndërsa punonte në ndërtimin e banesave sociale në Durrës. Shtetasi me iniciale M.M. ka rënë nga kati i pestë duke marrë plagë të rëndë dhe ka ndërruar jetë në spital.
Pas vdekjes së 55-vjeçarit, Specialistët për Krimet në Komisariatin e Policisë Durrës, kanë arrestuar teknikun e ndërtimit në këtë pallat, shtetasin Maksut Toçilla, 56 vjeç, banues në Tiranë.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Shkelja e rregullave të mbrojtjes në punë”.
(m.k/BalkanWeb)