Presidenti ukrainas Volodymyyr Zelensky deklaroi sot se garancitë e sigurisë për vendin e tij duhet të vijnë nga ana e NATO-s dhe jo vetëm nga Evropa.

“Është e pamundur të flasim për këtë vetëm me Evropën. Garancitë e vërteta për ne tani ose në të ardhmen duhet të jenë nga NATO”, tha Zelensky në një konferencë për shtyp pas një takimi me liderët e BE-së në Bruksel, duke shtuar se SHBA-të duhet të marrin pjesë.

Ai shtoi se është e rëndësishme që të ketë bisedime për një kontigjent të mundshëm paqeruajtës të huaj, raporton Reuters.

Në të njëjtën kohë, ai e quajti presidentin rus Vladimir Putin “të çmendur” dhe vuri në dukje se Ukraina nuk mund të jetojë me një konflikt të ngrirë në territorin e saj.

“Ne nuk mund të jetojmë me një konflikt të ngrirë në territorin tonë. Kur flasim për një armëpushim, në çdo konflikt, në çdo luftë, njerëzit e dinë se çfarë do të ndodhë më pas, si duhet të përfundojë. Duhet të keni parasysh se çfarë do të ndodhë nesër në mënyrë që të do të ketë një armëpushim sot, përndryshe ju thjesht po ngrini konfliktin dhe kjo është arsyeja pse Ukraina ka nevojë për garancitë e sigurisë.

Ai shtoi se Ukraina ka nevojë për të paktën 19 sisteme anti-raketë për të mbrojtur infrastrukturën e saj energjetike.

Ai gjithashtu konfirmoi se ndihmat po shpërndahen nga Kanadaja dhe Gjermania, por bëri thirrje për ndihmë të mëtejshme në mbrojtjen e rrjetit elektrik të Ukrainës. Ai e përshkroi Putinin si “shumë të rrezikshëm”, duke e akuzuar atë se nuk kujdeset për jetën njerëzore.

“Unë mendoj se ai është vërtet i çmendur, i pëlqen të vrasë,” tha Zelensky gjatë konferencës duke iu referuar presidentit rus.