Presidenti rus Vladimir Putin ka mbërritur në Hanoi të Vietnamit, duke filluar vizitën e tij dyditore në vendin e Azisë Jugore. Udhëtimi vjen në mes të turneut aziatik të Putinit, pas vizitës së tij në Korenë e Veriut.

Udhëheqësi rus do të takohet me homologun e tij vietnamez To Lam, kryeministrin Pham Minh Chinh, Sekretarin e Përgjithshëm të Partisë Komuniste Nguyen Phu Trong dhe zyrtarë të tjerë vietnamezë.

Bisedimet do të përfshijnë aspekte të ndryshme të lidhjeve midis dy kombeve, duke përfshirë partneritetin e tyre ekonomik, tregtinë, bashkëpunimin shkencor dhe teknik, si dhe tema të tjera. Zyrtarët e lartë pritet të diskutojnë gjithashtu qasjet ruse dhe vietnameze ndaj çështjeve të pazgjidhura globale.

Sipas presidentit rus, më shumë se gjysma e transaksioneve midis Rusisë dhe Vietnamit tani kryhen në monedhat e vendeve përkatëse, duke anashkaluar dollarin amerikan dhe euron.