Shpesh mund të ndodhë që ndërkohë që qëndrojmë para televizorit duke parë një film, fillojmë të qajmë dhe nuk dimë të shpjegojmë pse vjen aq natyrshëm.

Sipas studiuesve, kjo ndodh sepse disa njerëz arrijnë të lidhen emocionalisht me personazhin që shohin në ekran.

Nëse keni menduar se kjo ju bën njerëz të dobët, nuk është aspak e vërtetë. Të qash gjatë një filmi është e shëndetshme sepse raporti që krijohet mes teleshikuesit dhe personit përtej ekranit ndikon në ngritjen e humorit, përmirëson vetëbesimin dhe i bën njerëzit të ndihen më pak të vetmuar.

Studiuesit shprehen se truri nuk ka aftësinë që të dallojë një marrëdhënie reale nga ajo imagjinare, prandaj është e natyrshme të qash pas fundit tragjik të një personazhi në një film.