Nga Andi Lila

Transformimi i stilit të lojës së Austrisë nga Ralf Rangnick ishte i dukshëm në fitoren 3-1 ndaj Polonisë në Grupin D, një skuadrër që aplikon filozofinë e gjermanit, gegenpressing, ultra ofensiv, shpesh herë në fazën sulmuese Austria transformohet në vendosje taktike nga 4-2-3-1 fillestare ne 4-2-4 në linjat e fundit sulmuese. Kjo i bën ata të synojnë një ecuri të madhe në Euro 2024.

Rangnick u emërua trajner i Austrisë në vitin 2022, i ngarkuar me përgjegjësi në ndërtimin e një skuadre të re sulmuese pasi humbën mundësinë e kualifikimit për Kupën e Botës nën drejtimin e Franco Foda, ky fakt i zhgënjeu Austriakët dhe bëri që drejtuesit të kërkonin një ekspert si Rangnick!

Një profesor i Gegenpressing (kundër-presing) për të rifituar topin sa më shpejt që të ishte e mundur, 65-vjeçari ia doli ta bënte Austrinë një skuadër më dinamike, me vetëm një humbje në tetë ndeshjet e saj përpara Euro 2024!

Testi i vërtetë ishte nëse ata mund të performonin në skenën e madhe kundër skuadrave pretendente.

Ata nuk zhgënjyen në humbjen 1-0 ndaj ish-kampionëve të Europës, Francës, në ndeshjen hapëse të Grupit D, por kundër Polonisë gjetën hapësirën për ta dominuar ndeshjen dhe ta bënin Lewandowskin, Zielenskin, Swiderski etj të dukeshin shumë të vegjël.

Ndryshe nga tiki-taka, filozofia e gegenpress është posedimi i topit dhe për të mbajtur kundërshtarin sa më larg zonës, presingu bëhet në çdo centimetër të fushës, gjithashtu stili i Rangnick ka të bëjë më shumë me futjen e topit në thellësi duke vertikalizuar në çdo rast, sulmuesit anësorë por edhe numrat tetë dhe dhjetë kërkojnë topin në gjysëm hapësirë midis linjave me shpejtësi për të kapur në befasi kundërshtarin dhe ia kan arritur më së miri deri më tani.

Holanda një skuadër shumë serioze u gjunjëzua përpara Austrisë së Rangnick që me fitoren 2-3 zuri vendin e parë në grupin D.

Që në minutat e para u vu re dominimi i Austrisë dhe presingu i lartë bëri që holandezët të gabojnë sidomos në mesfushë, por edhe mbrojtja eksperte e tyre ishte në vështirësi. Loja kishte momente që skuadrat po luanin 1vs1 në çdo sektor të fushës, por Holanda nuk kishte agresivitetin e Austrisë që fituan 68% të dueleve sipas statistikave të Uefa.com, kjo bëri që Austria të triumfojë dhe të hedhë kandidaturën si skuadra surprizë e Euro2024.

Austria nuk ka lojtarë të nivelit Mbappe, Yamal, Chiesa, Bellingham, Toni Kroos madje nuk ka as lojtarë në nivelin e Armando Brojës. Por Austria ka një profesor të vërtetë në stolin e saj, Klopp, Naigelsman, Flick,Tuchel, Terzic etj janë nxenësit e shkollës Rangnick.

Deri më tani ai po na tregon shumë me futbollin që po prodhon Austria,cdo kundërshtar do ta ketë të vështirë me to.

Të presim, të mësojmë sesa larg do të shkojë kjo skuadër, në Euro 2004 askush nuk besonte tek Greqia por ajo i befasoi të gjithë dhe u shpall kampione europe me trajnerin Gjerman Otto Rehagel.

(BalkanWeb)