Kryeministri Edi Rama ka bërë një bisedë me humor me deputetin Pandeli Majko, ku ata kanë kujtuar foton e njohur të kreut të qeverisë në plazh, ku ishte i zhveshur. Rama tha:

“Deti po më kujton kur kam dalë në foto lakuriq.”

Pandeli Majko e komentoi këtë me humor duke thënë:

“Jemi në plazh dhe më duket sikur jemi kthyer të dy në një vend që na ngjall kujtime shumë interesante.”

Rama iu përgjigj:

“Jo, mua më kujtohet kur isha lakuriq se më nxorrën ata.”

Majko, duke vazhduar me humor, shtoi:

“E tha vetë, edhe kolegëve të PD-së u thashë, ky ju ka mundur kur ishte pa gjë. E jo më tani që e kemi veshur ne.”

Rama, duke kërkuar të sqaronte për foton nudo më tej, tha:

“Ta sqarojmë këtë. Shikoni si është puna. Kur isha në moshën e disave nga ju këtu, dola dhe unë për liri dhe demokraci. Edhe nuk e doja bufin dhe këta se nuk i shikoja dot me sy në fakt. Isha me një shoqen time dhe ca shokë të tjerë, edhe nuk kishte ndonjë gjë”.