Kryeministri Edi Rama ndodhet sot në Baku të Azerbajxhanit, ku po merr pjesë në sesionin e 29-të të Konferencës së Palëve (COP29) të Konventës të Kombeve të Bashkuara për Ndryshimet Klimatike.

Rama ndau në rrjetet sociale Foton Familjare nga Samiti Botëror për Klimën, COP29, i cili zhvillohet në Baku nga data 12-13 nëntor 2024.

Katërmbëdhjetë nismat e propozuara nga Presidenca e COP29 përfshijnë integrimin e veprimit klimatik me qëllimet e zhvillimit të qëndrueshëm, zhvillimin e korridoreve të energjisë së gjelbër, krijimin e zgjidhjeve të ruajtjes së energjisë së gjelbër, avancimin e hidrogjenit të pastër, reduktimin e metanit nga mbetjet organike dhe promovimin e veprimit digjital të gjelbër.