Kryeministri Edi Rama ka deklaruar nga Fieri se vota në zgjedhjet e 11 majit është një hap drejt pasaportës së Bashkimit Europian. Ai theksoi se Shqipëria mund të përfitojë shumë nga anëtarësimi në BE, duke përmendur mundësinë e marrjes së 1 miliard euro çdo vit si pjesë e Unionit Europian.

Rama bëri gjithashtu ironi ndaj Lulzim Bashës, duke thënë se ai fle për muaj të tërë dhe se fle kaq shumë sa nuk është në gjendje të ngrihet.

Kryeministri u shpreh se në BE, askush nuk mund të prekë shpatën e drejtësisë dhe se nuk diskutohet barazia para ligjit. Ai shtoi se Shqipëria, pasi të bëhet pjesë e Bashkimit Europian, do të jetë e barabartë me vendet e tjera anëtare dhe do të përfitojë nga standardet e larta të funksionimit të jetës.

Edi Rama: Në BE nuk të lë kush të prekësh shpatën e drejtësisë. Në BE nuk diskutohet barazia para ligjit. E treta, janë standardet e funksionimit të jetës. Kur hyn në BE, hyn në kategorinë e përfituesve. Do marrim 1 miliard euro çdo vit si anëtar të BE-së. Vota e 11 majit është votë për pasaportën europiane. Luli fle me muaj, fle kaq shumë sa siç fle, ashtu ngrihet. Ne do jemi të barabartë me të tjerët kur të jemi pjesë e Bashkimit Europian. Me pasaportën e BE, gjithçka është më e lehtë.

(Balkanweb)