TIRANË- Operacioni i Policisë në Xibrakë, ku është zbuluar një laborator për përpunimin e kokainës duke i dhënë një goditje e fortë një rrjeti ndërkombëtar të trafikut të drogës nuk ka kaluar pa u përshëndetur nga kryeministri i Shqipërisë, Edi Rama.
“Krenar për operacionin e jashtëzakonshëm që solli sonte kapjen e një duzine trafikantësh të një rrjeti ndërkombëtar droge. Policia që duam”, ka shkruar fillimisht Rama në Facebook.
Por disa minuta më vonë, kryeministri sërish e ka përgëzuar këtë aksion duke e cilësuar rezultat të një policie të ndarë nga krimi.
“Sekuestrimi i mbi 100 kg kokaine është rezultati spektakolar i një policie të ndarë nga krimi, e cila është kthyer në detyrë. Policia që duam”, shkruan kryeministri Rama.
(m.k/BalkanWeb)