TIRANE- Ministri i Shtetit për Çështjet Vendore, Bledi Çuçi, ka folur sot lidhur me reformën zgjedhore, duke u ndalur tek listat e hapura. Duke i cilësuar këto lista të papërshtatshme, ministri Çuçi tha se ato sjellin konflikt brenda partisë.
Ministri tha se listat e hapura komplikojnë përfundimin e rezultateve, por ndërkaq theksoi edhe qëndrimin e partisë tjetër të koalicionit, duke u shprehur se “LSI është pro propozimeve për listat e hapura”.
“Listat e hapura janë të papërshtatshme për procesin zgjedhor në vendin tonë, pasi sjellin konflikt brenda partisë. Lista të kësaj natyre nuk janë një zgjidhje e mençur, komplikojnë përfundimin e rezultateve. Listat e hapura po shmangen dhe në vendet e rajonit. LSI është pro propozimeve për listat e hapura”, tha ministri Çuçi.
Diskutimet për reformën zgjedhore po vijojnë, ndërsa në një tryezë të organizuar disa ditë më parë nga Koalicioni i Vëzhguesve Vendorë, u ulën bashkë Rama, Meta dhe Basha.
(el.sp/BalkanWeb)