TIRANË
Ambasadorja e SHBA në Tiranë, Yuri Kim, reagon pas depozitimit të kërkesës për regjistrim në KQZ të Tom Doshit, për zgjedhjet e 25 prillit.
Përmes një mesazhi në “Twitter”, ambasadorja Kim zbulon bisedën me kryeministrin Edi Rama lidhur me këtë çështje.
Ambasadorja thekson se kryeministri Rama i ka thënë se e ka përjashtuar Tom Doshin nga Partia Socialiste dhe se ai nuk do të ketë asnjë rol në qeveri.
“Më lejoni t’i jap fund spekulimeve: Kryeministri Edi Rama më kujtoi se ai e kishte përjashtuar personalisht këtë person nga Partia Socialiste. Ai theksoi se ky person nuk do të ketë asnjë rol në asnjë qeveri që ai do të formohet”, shkruan ambasadorja Kim.
Let me end the speculation: PM @ediramaal & I have a clear understanding of what this designation means. In fact, the PM reminded me that he had personally expelled this person from the Socialist Party. He emphasized that this person would have no role in any government he forms. https://t.co/KmfEECp0Gv
— Ambassador Yuri Kim (@USAmbAlbania) February 11, 2021
(BalkanWeb)
