Edi Reja pritet që të marrë për pak orë, drejtimin edhe zyrtarisht të Kombëtares shqiptare. Si ndihmës të tij, tekniku italian kishte zgjedhur edhe Alesandro Kalorin, një ish-mbrojtës i njohur në Itali, tashmë në rolin e trajnerit.

Por, nga Italia raportohen probleme me Kalorin. Siç shkruan portali i gazetarit të njohur, Xhanluka Di Marcio, ky i fundit, është shkarkuar nga ekipi i Ternanës në Serinë C, por është ende nën kontratë, dhe palët nuk janë zgjidhur ende zyrtarisht.

Kalori, që ishte i pranishëm bashkë me Rejan në Shkodër, në ndeshjen ndaj Turqisë, tashmë do duhet të gjejë gjuhën e përbashkët me klubin e Ternanës, që të jetë i lirë të nisë punën si zëvendës i Rejas tek Shqipëria, ose ndoshta mund të mendohet edhe një afrim i Ervin Bulkut në këtë post, tashmë një pjesë e rëndësishme e stafit të Kombëtares, teksa pas shkarkimit të Panuçit, mbajti edhe detyrën e trajnerit provizorisht./Panoramasport

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: