Reali i Madridit është klubi më i dashur nga tifozët dhe si i tillë, ai me influencën në të madhe në botën e futbollit. Nuk është një suprizë për trofetë që ka fituar dhe historinë e tij, por tani gjithçka është e konfirmuar në klasifikimin sipas “France Football”.
Revista prestigjoze e mbështet këtë renditje në një studim të thelluar mbi dhjetë kritere: titujt e fituar nga skuadra, çmimet individuale të lojtarëve, impakti botëror i klubit, aktiviteti dhe ndjekja në rrjetet sociale, të ardhurat financiare, shitja e fanellave, transferimet në merkato, vlerën në tregun global, numrin e futbollistëve kampion bote në skuadër dhe imazhin e tij. Mbi të gjithë këto parametra, Reali i Madridit fiton mbi të gjithë dhe zyrtarisht mund të quhet klubi më i dashur në botë.
Në vendin e dytë të klasifikimit të “France Football” renditet Barcelona, edhe kjo një fituese e madhe në Spanjë dhe arënën ndërkombëtare dhe aq më tepër që në skuadër ka një futbollis si Lionel Mesi. Pas dy klubeve iberikë, pozicionin e tretë në këtë rebditje e mban Mançester Junajtid.
Pesëshja e parë plotësohet me Bajernin e Mynihut dhe Liverpulin.
Mes klubeve italianë, vetëm Juventus ka një vend në dhjetë pozicionet e para, pikërisht në vendin e gjashtë.
Prestigji i “Zonjës së Vjetër” është rritur ndjeshëm që pas transferimit në verën e shkuar të Kristiano Ronaldos.
(balkanweb)