Michel Platini po bën gjithçka është e mundur për tu rikthyer në botën e sportit. Francezi është një legjendë e gjallë, një ish futbollistë me shumë klas, një nga lojtarët më të mëdhenj të të gjithë kohërave por aventura e tij si president i UEFA-s dhe më pas FIFA-s, akuzat për korrupsion, kanë zbehur jo pak emrin e tij. Dashuria për futbollin nuk i ka munguar kurrë, Platini vijon të përbëj lajm në çdo gjë thotë.

Sëfundmi në një intervistë për të përditshmen “TuttoSport”, Platini ka folur për Serie A dhe mbi të gjitha për ish ekipin e tij Juventus duke i dhënë dhe një këshillë për merkaton: “Nuk e di nëse Juventus ka paratë për të blerë Kylian Mbappe, nëse është e mundur duhet të lëvizin tani pasi në të ardhmen vlera e tij sa vjen e do të shtohet”, theksoi Platini.

Mbappe shihet si pasuesi i C.Ronaldo dhe Leo Messit, një lojtar i cili pritet të dominoj botën e futbollit në vitet e ardhshme, por të pakta janë ekipet që mund ta përballojnë një investim të tillë, mbase vetëm Real Madrid, skuadra e vetme e cila ka shprehur publikisht dëshirën për të blerë kartonin e tij. Në fund Platini foli dhe për rivalitetin Juve-Inter këtë sezon: “Maksimumi që mund të shpresoj është që Inter të luftoj deri në fund për titullin kampion, sigurisht që nuk mund të shpresoj që Juventus të mos fitoj.
(BalkanWeb)