Ministrat e Jashtëm evropianë do të takohen në Poloni këtë muaj për të diskutuar rizgjedhjen e Donald Trump dhe luftën në Ukrainë, raporton Reuters.

Sipas agjencisë së lajmeve, duke cituar dy burime, përfaqësuesit e qeverive të Mbretërisë së Bashkuar, Polonisë, Francës, Gjermanisë, Italisë dhe Ukrainës do të takohen më 19 nëntor në Varshavë.

Ka pasur shumë diskutime mbi atë se çfarë mund të nënkuptojë një presidencë e re Trump për luftën në Ukrainë.

Politika e tij “Amerika e para” është një qasje shumë e ndryshme nga paraardhësit e tij.

Kjo, e kombinuar me zgjedhjet e tij të fundit për kabinetin, ka lënë shumë njerëz të pyesin se çfarë mund të sjellin katër vite të tjera me Trump në krye të Shtëpisë së Bardhë.