TIRANË

Gazetarja Rudina Xhunga tha në emisionin e saj “Dritare me Rudinën” në News24 se grabitësi i vrarë është identifikuar por emri ende nuk bëhet publik. Debate ka pasur në studio për përgjegjësit e kësaj grabitje përveç autorëve. Gazetarja Klodiana Lala deklaroi se ka informacione të ndryshme për grupin e grabitësve.


Rudina Xhunga: Vazhdojnë më vijnë informacione të reja. Grabitësi është identifikuar, nuk është publikuar emri po ka qenë në burg në një vend fqinj. Së shpejti do të kemi edhe emrin e tij.
Arben Hajdarmataj: Është një shans i mirë për hetimin. Përderisa është identifikuar një person i grupit ka mundësi të identifikohen të tjerë.


Mit’hat Havari: Kemi aeroportet fqinjë, në Greqi, Maqedoni, Beograd, këtu është e disata herë që do të thotë se nuk është korrigjuar asgjë. Kaq.
Klodiana Lala: Këtu ka çaluar mënyra se si është garantuar siguria në aeroport. këtu nuk ka diskutim.


Rudina Xhunga: Se tani ikën lekët, pastaj ikin njerëzit. Kush e garanton.
Klodiana Lala: Ndodhi grabitja në 2015-ën, kemi një person që është në arrati. Lidhur me informacionet që ju vijnë ju, mua më vijnë pafund dhe më thonë që grupi kriminal e ka bazën tek zona e Freskut, është një grup kriminal që vepron mes Shqipërisë dhe Kosovës. Nga informacionet zyrtare nuk është askush i përjashtuar nga hetimi. Ka dyshime të forta të prokurorisë që punonjësit e sigurisë, përgjegjësit për të garantuar aeroportin kanë çaluar, kanë shkelur rregullat e sigurisë.

(m.k/BalkanWeb)