Facebook përditësoi aplikacionin Messenger ditën e sotme me një funksion të ri ku përdoruesit mund të citojnë ose tu përgjigjen mesazheve specifike në një bisedë.
Funksioni vjen si zgjerim i emoji reaguese që mund të linit tek një mesazh i dërguar. Tashmë mjafton të mbani të shtypur mbi një mesazh dhe krahas emoji do të shfaqet edhe butoni “reply”.
Krahas përgjigjes suaj gjendet edhe mesazh i cituar për ta bërë më të lehtë të gjurmohen pjesë të ndryshme të bisedës, njofton PCW.
Është një funksioni i disponueshëm prej kohësh në WhatsApp dhe natyrisht çështje kohe përpara se të vinte në Messenger.
Gjithashtu është pjesë e ambicies së Facebook për të krijuar një platformë unifikuese mes Messenger, WhatsApp dhe Instagram duke përafruar secilin prej rrjeteve sociale me njëri tjetrin në funksionalitet.
(BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
