Ku është Ylenia? Ku janë qindra vajza që zhduken në New Orleans? Përse nuk është bërë asgjë për të ndalur këtë?

Është ulërima e dhimbjes së këngëtares italiane Romina Power në Twitter, në 24 vjetorin e zhdukjes së vajzës Ylenia Carrisi. Një nënë që nuk është dorëzuar, pavarësisht deklaratave për vdekjen e pretenduar nga gjykata e Brtindisit në 2014, ajo akoma kërkon të dijë për fatin e vajzës së saj të dashur.

Teksa Al Bano prej kohësh ka arkivuar humbjen e dhimbshme të vajzës, Romina nuk e ka pranuar kurrë deklaratën për vdekjen e saj dhe çdo vit ajo vazhdon të bëjë urime për ditëlindjen e saj me shpresën se mund të jetë gjallë. Telefonata e fundit e Ylenia për familjen ishte në ditët e para të janarit 1994, një telefonatë e bërë nga një telefon i LeDale Hotel në New Orleans dhe më pas heshtje.
Që nga ajo ditë nuk u mor më asnjë lajm për vajzën e Romina dhe Albano Carrisi.
(da.xha/BalkanWeb)