Cristiano Ronaldo nuk dukej aspak i kënaqur me zëvendësimin që i bëri Maurizzio Sarri në ndeshjen kundër Milanit.

Trajneri e largoi superyllin portugez nga loja në minutën e 55-të, gjë që nuk kishte ndodhur më herët në Serie A (por u zëvendësua edhe në Ligën e Kampionëve), ndërsa reagimi i tij u kap qartë nga kamerat.

34-vjeçari shihej se ishte i irrituar dhe u nis drejt tunelit duke mos u ndalur te bashkëlojtarët e tij në bankën rezervë.

Sky Sport Italia raporton se portugezi është larguar nga stadiumi madje akoma pa përfunduar ndeshja, saktësisht tri minuta para fishkëllimës së fundit të gjyqtarit.

Ai ka pasur mundësinë që ta shihte së paku golin e fitores, të cilin e shënoi pikërisht njeriu që e zëvendësoi atë – Paulo Dybala.

https://www.youtube.com/watch?v=52C2ftVviQ4

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: