TIRANE

Sa më shumë kalojnë vitet pa Françesk Radit, aq më shumë peshon pengu i Rozanës në ndërgjegjen e saj. E ftuar në emisionin ‘Soiree’ me Jonida Shehun për të kujtuar xhaxhain e saj, Rozana ka rrëfyer një tjetër peng që i ka ngelur për Françeskun.

“Pengu im më i madh është që nuk kam një duet me Frankon, sigurisht, por edhe që nuk kam shkruar një tekst për Frankon. Unë kam shkruar pothuajse 90% të artistëve dhe jam krenare që sot mbajnë firmën time dhe kanë hyrë në fonotekën e muzikës shqiptare”, ka thënë Rozana.

“Kishe ndroje të shkruaje një tekst për Frankon”, e ka pyetur Jonida Shehu. “Kisha frikë. Mendoja se do më thoshte që nuk është për mua kjo. Franko nuk më ka bërtitur kurrë, por mjafton t’i thosha “Franko të pëlqen kjo gjëja ty’, dhe ngaqë nuk donte që të më prishte qejfin se unë një vajzë e re, adoleshente kisha qejf të këndoja më thoshte ‘mirë’, por e shihja që nuk ishte në ato ujëra që priste ai”, ka shpjeguar më tej këngëtarja e njohur.
(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: