1.301 persona kanë humbur jetën gjatë pelegrinazhit të haxhit të këtij viti.

Reuters raporton se nxehtësia ekstreme shkaktoi probleme për gati dy milionë pelegrinë, pasi pelegrinazhi i këtij viti u zhvillua gjatë një vale të nxehtit, me temperatura që kalojnë 50 gradë Celsius.

Më shumë se tre të katërtat e atyre që vdiqën nuk kishin leje zyrtare për të qenë atje dhe ecnin nën rrezet e diellit direkte pa strehë adekuate, tha agjencia zyrtare saudite e lajmeve SPA.

Disa nga ata që vdiqën ishin të moshuar ose të sëmurë kronikë, shtoi agjencia.

Shumica e viktimave ishin egjiptianë. Burime të sigurisë dhe mjekësore i thanë Reuters sot se numri i vdekjeve egjiptiane ishte rritur në 672 dhe 25 të tjerë rezultojnë të zhdukur.

Sipas të dhënave të qeverisë indoneziane, gjithsej 236 indonezianë kanë humbur jetën, ndërsa Ministria e Punëve të Jashtme të Indisë ka njoftuar se 98 qytetarë indianë kanë vdekur gjatë haxhit.

Më shumë vdekje u raportuan nga Tunizia, Jordania, Irani dhe Senegali duke e bërë pelegrinazhin e këtij viti më vdekjeprurës me të paktën 1,114 të vdekur, sipas një raporti të Reuters.