Qeveria ruse po përpiqet të rishpërndajë shtatë trilionë rubla (rreth 66.3 miliardë euro) në projektbuxhetin e saj trevjeçar, me një pjesë të konsiderueshme të fondeve të drejtuara për ushtrinë, tha Ministri i Financave Anton Siluanov.

Projektbuxheti për ushtrinë do të ndajë 13.5 trilion rubla në vitin 2025, që përfaqëson një të tretën e shpenzimeve totale ose 6.3 për qind të PBB-së, që është niveli më i lartë që nga Lufta e Ftohtë, shkruan Reuters.

Ndryshimet e reja sugjerojnë se kjo shifër mund të jetë edhe më e lartë.

Për herë të parë, pjesa e shpenzimeve për mbrojtjen do të jetë dyfishi i përqindjes së përfitimeve sociale.

Siluanov tha në seancën e qeverisë se qeveria ka përgatitur rreth 900 amendamente për projektligjin për buxhetin.

“Një pjesë e rëndësishme e amendamentit synon të sigurojë mbrojtjen dhe sigurinë e vendit, duke përfshirë ekzekutimin e një operacioni të posaçëm ushtarak,” tha Siluanov në mbledhjen e kabinetit, duke iu referuar operacionit ushtarak të Rusisë në Ukrainë.

Qeveria ka autoritetin të shpërndajë fondet në kuadër të shpenzimeve totale prej 41.5 trilion rubla ndërmjet sektorëve.