Ministria e Mbrojtjes e Rusisë pretendoi ditën e sotme  se forcat e saj kishin kapur plotësisht Kurakhovin në Donetsk Oblast, një deklaratë e pa konfirmuar nga Ukraina.

Grupi i forcave Khortytsia të Ukrainës raportuan se betejat po vazhdojnë në sektorin Kurakhove pasi Rusia kryen operacione sulmi në zonën urbane në drejtim të Petropavlivka dhe Dachne.

“Masat janë duke u zhvilluar për të identifikuar dhe shkatërruar grupet sulmuese ruse që përpiqen të depërtojnë në formacionet tona të betejës,” tha grupi Khortytsia.

Forcat ruse i kanë përqendruar përpjekjet e tyre në Kurakhove në rajonin jugperëndimor të Donetsk gjatë muajve të fundit, duke e kthyer atë në një nga sektorët më të nxehtë të frontit.

Grupi i monitorimit ukrainas DeepState tregon se  Kurakhovi është pothuajse tërësisht në duart ruse, me forcat e Moskës që me sa duket po përparojnë në perëndim drejt Dachne.

Nëse konfirmohet, kjo do ta bënte Kurakhovin  qytetin e parë të madh që bie në duart e Rusisë në vitin 2025, pasi pushtoi Avdiivka dhe Vuhledar vitin e kaluar.

(BalkanWeb)