Interi dhe Milani duket se janë dakordësuar mbi çështjen e stadiumit “San Siro” dhe sipas asaj që raportojnë mediat italiane dy skuadrat për 99 vitet e ardhshme do të ndajnë sërish stadiumin.

Dëshira e zikaltërve nuk ka munguar në asnjë rast, por problemi më parë qëndronte te “djalli”. Tani me ardhjen e pronarëve të rinj dy ekipet janë gati edhe për investimin e ri në impiantin mitik.

Sipas asaj që tregon “Gazzetta dello Sport”, në mënyrë të veçantë do të negociohet me Komunën e Milanos për një koncesion 99-vjeçar. Nuk mund të flitet teknikisht për një stadium në pronësi të klubeve (sepse pas një shekulli do i rikthehet Komunës), por do të jetë pothuajse i tillë.

Sot Interi dhe Milani janë me qira aktualisht në “San Siro” dhe ka pak kohë që është aprovuar nga Komuna një ndërhyrje mirëmbajtje e jashtëzakonshme me vlerë 15 milionë euro.

Në javët e ardhshme, drejtuesit e dy klubeve milaneze do të takohen për të caktuar një plan të përbashkët e më pas ta prezantojnë në tavolinën e tratativave në “Palazzo Marino”, Milano.

Duhet theksuar që Komuna është dakort me një zgjidhje të tillë sepse tifozëve do i jepej mundësia të qëndronin në stadiumin e tyre legjendar dhe në atë që tashmë shumë prej tyre e cilësojnë “shtëpi”.

E nga ana tjetër, Komuna do të merrte siguri se dy klubet do të investonin akoma më shumë në një nga pikat më të vizituara në Milano, stadiumi “San Siro”.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: