Deputetja e Partisë së Lirisë, Monika Kryemadhi ishte sot në Apelin e GJKKO ku ka ankimuar sekuestron e dy banesave, ndërsa vendimi në lidhje me këtë çështje do të merret nesër.
Kryemadhi ka deklaruar me ironi se pas sekuestrimit të vilave do të jetojë në çadër ose kontejner.
“Vendimi i Apelit u shty për nesër. Sigurisht, ne parashtruam ato tonat, Prokuroria të vetat. 5 minuta para se të futesha në gjyq 10 policë kanë zbarkuar në derën e shtëpisë time. Ishte skenar interesant ndoshta për të krijuar presion psikologjik, mund të jetë edhe rastësi. U kam thënë që jam në gjyq dhe erdhën ditën tjetër, u vendos procesverbali, u firmos, erdhën përfaqësues të agjencisë së sekuestros. A është e ligjshme prona? Po, i tha prokurori, e përfituar në mënyrë të ligjshme, por ne mendojmë se këta duhet të dalin nga shtëpia. Do të jetojmë me çadër, po ato që jetojnë me çadra nga tërmeti. Do marrim një kontejner, do të na japë dikush një tokë me qira…”, tha ajo.
(BalkanWeb)
