Ai kërkon që ëndrra e tij për jetën të vazhdojë, teksa familja duket se nuk po mundet t’ia dalë më tej, edhe pse gjendet përballë dhimbjes së madhe për fatin e Lulzimit vetëm 18-vjeçar.
Vëllai i tij, Arturi, tregon se jeta në Turqi, ku kurohet Lulzim Istrefi, është e shtrenjtë për ta, ndaj lëshon apelin për ndihmë, në mënyrë që vëllai i tij të mund t’ia dalë.
Mjekët kanë sugjeruar transplantin e palcës për 18-vjeçarin, në mënyrë që ai t’i përballojë leuçemisë akute, nga e cila vuan prej muajsh, teksa jeton me shpresën se me ndihmën e bashkëkombasve zemër-mirë do të mundë t’ia dalë sfidës për të vazhduar jetën.
(BalkanWeb)