Sergio Ramos po kalon momente të veçanta nw karrierwn e tij. Mbrojtësi i Real Madrid sapo ka hyrë në historinë e Kombëtares Spanjolle për prezencën e 150 me miqësoren e luajtur kundër Gjermanisë.

Tani për kapitenin e Los Blancos vjen dhe një tjetër lajm i mirë. Gruaja e tij Pilar Rubio e ka bërë baba për herë të tretë.

Ka qenë pikërisht futbollisti që ka dhënë lajmin e mirë në rrjetet sociale: “Me emocion dhe gëzim të madh ju prezantojmë Alejandro Ramos Rubio. I vogli jonë ka lindur të dielën në 18:24 dhe peshon 3,1 kg” ka shkruar futbollisti.

Sergio dhe Pilar kanë edhe dy fëmijë të tjerë, Sergio Ramos Jr dhe Marco të cilët kanë lindur në 2014 dhe 2015.
(da.xha/BalkanWeb)