Dy persona u vranë në sulmet ruse në rajonin Zaporizhia të Ukrainës, njoftoi të enjten në mëngjes guvernatori rajonal Ivan Fedorov.

“Një burrë dhe një grua kanë vdekur si pasojë e bombardimeve nga forcat ruse, ndërsa një tjetër u plagos”, saktësoi guvernatori në Telegram.

Ai tha se gjithsej në këtë rajon janë regjistruar 391 sulme ruse, ndaj 10 komunave në 24 orët e fundit. Kujtojmë se prej më shumë se dy vitesh Rusia ka nisur një agresion ushtarak ndaj Ukrainës.

(BalkanWeb)