Sulmuesi Da Silva luajti sezonin e parë te Partizani, ku ndihmoi skuadrën në arritjen e titullit kampion. Braziliani zhvilloi 26 paraqitje, ku gjeti rrugën e rrjetës plot 13 herë.
“Jam shumë i lumtur për këtë fitore që erdhi në javën e fundit të këtij kampionati. Besoj se është një nga sezonet më të mira në karrierën time. Jam shumë shumë i lumtur për këtë titull, pasi në Shqipëri kam fituar një Kupë me Vllazninë.
Nuk më vjen aspak keq që nuk u shpalla golashënues i Superiores, rëndësi ka që fitova titullin me Partizanin. Në trupin tim plot me tatuazhe, besoj se ka vend edhe një për Partizanin (qesh)” –Tha ai.
(BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
