Sekretari amerikan i Thesarit, Scott Bessent, thotë se ai është ngarkuar me hapjen e negociatave tregtare me Japoninë “pas një diskutimi shumë konstruktiv telefonik” midis dy qeverive.

“Japonia mbetet ndër aleatët më të afërt të Amerikës dhe mezi pres angazhimin tonë të ardhshëm produktiv në lidhje me tarifat, barrierat tregtare jotarifore, çështjet e monedhës dhe subvencionet e qeverisë”, shkruan ai në një postim në platformën e mediave sociale X.

Bessent përsërit komentet e tij të mëparshme rreth mbi 50 vendeve që iu drejtuan Trump ditëve të fundit për t’u përfshirë në negociata.

“Ne presim negociata kuptimplota me ta gjatë javëve të ardhshme,” shton ai.

(BalkanWeb)