Lideri gjerman dhe Putin kanë zhvilluar bisedën e parë të drejtpërdrejtë që nga viti 2022

Kancelari gjerman Olaf Scholz dhe Vladimir Putin folën në telefon për një orë pasditen e sotme, ka thënë një burim i qeverisë gjermane.

Scholz dhe presidenti rus folën për herë të fundit drejtpërdrejt në dhjetor 2022, tha qeveria.

Nuk janë dhënë më shumë detaje në lidhje me përmbajtjen e bisedës.

Është e vështirë të vlerësohet rëndësia e bisedës derisa të dimë më shumë për atë që u diskutua në të vërtetë, megjithëse ky komunikim vjen mes spekulimeve në rritje se një presidencë e Trump në SHBA mund të çojë në negociata për t’i dhënë fund luftës në Ukrainë.

Siç raporton Rel, zëdhënësi i Qeverisë gjermane, Steffen Hebestreit, tha se Scholzi e dënoi “luftën agresore të Rusisë” kundër Ukrainës, gjatë bisedës së tyre telefonike, dhe i kërkoi Putinit t’i japë fund asaj duke i tërhequr trupat ruse që e pushtuan vendin fqinj në shkurt 2022.

Këtë bisedë telefonike e ka kritikuar presidenti ukrainas, Volodymir Zelenskyy. Ky i fundit ka thënë se telefonata i shërben Putinit “për të vijuar represionin e brendshëm në Rusi dhe luftimet në Ukrainë”./Sky News/