Kryetari i partisë Mundësia, Agron Shehaj, i ftuar në studion e News 24, tha se fushata zgjedhore po shkon mirë. Ai tha se gjithçka do të shihet më 12 maj.

Shehaj vlerësoi se partia Mundësia po konkurron me një program, të tillë që qytetarët të jenë më të lirë e vendimmarrës në jetën e tyre e mos ta kenë shtetin mbi kurriz.

Agron Shehaj: Fushata po shkon mirë, rezultati do të shihet më 12 maj. Unë ja kam dalë me punë. Shqipëria që ne duam është që t’ja dalim me punë. Ne nuk premtojmë qiqra në hell. Ne themi se ne do ju heqim shtetin nga kurrizi. Ne duam më pak korrupsion. Ne po flasim për ekonominë, për rritjen ekonomike. Ne mendojmë një taksë të sheshtë prej 8 përqind. Ulja e taksës do ulë evazionin fiskal.

Sa më pak taksa, qytetarët do kenë më tepër para në xhep. Ne propozojmë që në tri vitet e para pasi është krijuar një biznes, nuk duhet të kontroll në biznes. Kjo nuk do të thotë se pronari mund të bëjë çdo gjë, por duhet lënë që të kalojë vështirësitë e para. Pensionet duhet të rriten me 10 përqind çdo vit. Shëndetësia ka nevojë për një reformë thelbësore.

(d.xh-Balkanweb)