Deputeti i PD, Agron Shehaj ka reaguar përmes një postimi në facebook, lidhur me ndryshimet në qeveri, të njoftuara këtë të premte nga kryeministri Rama.

Për deputetin demokrat, ndryshimet në qeveri janë thjesht një manovër dinake për të ndërtuar një fasadë të re, nën të cilën, shkruan Shehaj, Edi Rama do të vazhdojë të bashkëqeverisë me krimin dhe oligarkët.

Postimi i Plotë:

Ndryshimet në qeveri janë përsëritje e skenarit Tahiri: Edi Rama largoi disa ministra të inkriminuar para se faktet e inkriminimit të tyre të bëhen publike dhe bashkë me ta hoqi edhe ca të tjerë për të dhënë idenë e reflektimit për të përmirësuar qeverisjen. Ndryshimet në qeveri janë thjesht një manovër dinake për të ndërtuar një fasadë të re, nën të cilën Edi Rama do të vazhdojë të bashkëqeverisë me krimin dhe oligarkët.

(BalkanWeb)